VIP就係好難服待

公司受同事氣返到屋企全家捱佢無厘頭脾氣
勸佢退休又唔捨得幾千銀
同佢分析問題講道理就話你冇大冇細
見你唔出街正日對電腦話你人生無目標
出街食飯睇戲正當social就話你亂使錢多
廿幾歲人連買件衛衣都要唔俾著，想做飛仔就著到夠

我自有畢業出身以來，真係唸極唔知自己做錯過咩

有份穩定正職日做十小時家用從冇遲
打機一星期都唔知夠唔夠3小時
每月消費少於三千唔蒲唔煙唔酒唔落夜
衛衣又何時成為某組織的制服?

如果唔係AQ EQ仲夠頂，真係好想不顧而去一走了之
只係當反思自己做人對比星期X檔案入面D個案，而竟然會羨慕佢地嘅時候
我估我離臨界點都所餘無幾了

請珍惜你們開通的母親