煙火

璀燦煙火，燃亮刹那夜空，然而落幕時那餘縷青煙與沸騰的情緒強烈反差，欲帶來些許落寞。對不嗜煙火的我，冒寒擠擁數小時這理由也許充份了點。不給自己藉口的點子已經想好了，下個機會拿出來。

拍拖前跟損友、口水最經常做的事，想起來應是吐VIP的苦水。專制、固執、反智、虛偽、不信任諸種行踁，做什麼都給人指責的地步令我不只一度想一走了之。但念頭一轉想到後果跟報紙大字標題中的不考子，白白為我捱氣的父親，我欠缺力量反抗成為家中第二個脫籠的弟弟。假若平白給妳搬上個不得了的惡名更加非我所願。

「對畸型思想的人，滿腔的不忿又可以怎樣？血濃於水呀，這是對抱有極大期望的人所作出的極端表現...」勸說道。

苦了誰呢？愛我的人。我確實無言以對。

VIP就係好難服待

公司受同事氣返到屋企全家捱佢無厘頭脾氣
勸佢退休又唔捨得幾千銀
同佢分析問題講道理就話你冇大冇細
見你唔出街正日對電腦話你人生無目標
出街食飯睇戲正當social就話你亂使錢多
廿幾歲人連買件衛衣都要唔俾著，想做飛仔就著到夠

我自有畢業出身以來，真係唸極唔知自己做錯過咩

有份穩定正職日做十小時家用從冇遲
打機一星期都唔知夠唔夠3小時
每月消費少於三千唔蒲唔煙唔酒唔落夜
衛衣又何時成為某組織的制服?

如果唔係AQ EQ仲夠頂，真係好想不顧而去一走了之
只係當反思自己做人對比星期X檔案入面D個案，而竟然會羨慕佢地嘅時候
我估我離臨界點都所餘無幾了

請珍惜你們開通的母親